生活依然忙碌，四圍走訪不同公司地區；唔經唔覺，祖國發展已非以前我哋香港人諗嘅一般，而係「更加發達」；內地道路、商場、住宅，應有盡有，比香港有過之而無不及。不過，喺資金緊絀下，即使大家長線睇升內地房地產，都真係要逐隻秤下，睇下捱唔捱得住呢個風浪。
龍湖地產（00960）主席認真唔話得；一來有遠見；二來集團真係做到成績。國家出宏調，集團喺早年已經不斷簽約賣樓，而且一直睇緊自己現金流水平。將軍打仗，先問糧草，立於不敗之地之後先同人殺過。
集團樓宇銷售功夫一流，大部分城市銷售業績位列前十位，喺北京、成都、重慶等地業績優良。國家宏調一出，北京公司理應受影響，但仍然拎到過百億銷售額。再睇其他新進入的城市，包括常州、無錫、瀋陽、青島同杭州，都能達到當地樓房銷售的一流水平，證明公司賣樓功夫自成一家。
土儲嚟講，龍湖嘅土儲有大有細，尚算穩定。至於公司喺新城市發展緊嘅地皮，似乎傾向將項目搞成旅遊及養老特色。睇番公司之前賣樓嘅成績，相信佢樓宇銷售嘅班底應該做得好呢件事。
香港樓畀人搶貴晒，我哋又何妨買番同胞嘅樓房？一句講晒，只要穩陣就掂！繼續追蹤，出發！
香港大學電子金融服務榮譽助理教授 徐燦傑（作者為註冊持牌人士）