閒來無事，睇番一啲之前留意過嘅股票，當係update一下狀況，睇見四月時曾推介過嘅超威動力（00951），由當日3元附近一直炒至上月高見5.02元，踏入九月份開始急轉直下，尋日收3.2元，幾乎打回原形。
集團係內地電動自行車用鉛酸動力電池龍頭，既受惠「十二五」政策，而中央大力整頓行業，有助提高其市佔率之餘，亦令鉛酸電池價格上升，集團今年中期純利升18.8%，至1.42億元人民幣，毛利率更從去年同期嘅26.6%升至超過三成，加上鉛價近期又暴跌，有利降低成本，論基本因素，超威其實同幾個月前冇乜分別。不過，若然你問我係咪即係買得過，都係等3元樓下先至再講啦……
詩詩