同事默契十足
恒生個比賽搞咗卅八年，今年員工踴躍程度破晒紀錄，近300個員工參加，總共29支隊伍，不過人多無拉低質素，Donald對同事表現讚不絕口，大讚同事又專業，又發揮到團隊精神，有晒默契，好睇程度同佢平時鍾意睇嘅職業球賽不遑多讓。
啦啦隊壯聲勢
其實恒生籃球賽自一九七三年開始舉辦第一屆至今，已經好有專業水準，除咗冠、亞、季隊伍之外，仲有「最有價值球員獎」及「最具團隊精神啦啦隊大獎」，當然唔少得啦啦隊吶喊助威。
其實恒生真係特別支持同事做運動，仲每年都搞「恒生團隊盃」比賽，籃球賽之外，仲有羽毛球、乒乓球、高爾夫球、足球同埋保齡球比賽，同事做多啲運動，醫療津貼都可以慳唔少，即係雙贏。