目前全球股市正在預先反映希臘違約所帶來的衝擊，本來唔少炒家預計本周初港股有反彈，尋日早段恒指升過嚟，點知之後跌到一仆一碌，睇怕有唔少炒家中伏！
雖然尋日午後恒指由低位反彈，但埋單計能幸免一跌嘅股份唔多，創業板股有年代煤礦機電（08043），股價曾高見0.495元，最後收報0.475元，升7.96%。
呢家公司目前已轉型做煤礦機電業務，主要睇準國策致力推動改善礦場安全和效率，要求礦場機械化及進一步整合中小型煤礦所帶來的商機，今年上半年賺2,000萬元。
尋日股價逆市上升成交配合，重上10日線，向下主要支持在0.43元，向上若能突破0.5元，下一阻力在0.54元。畢竟屬創板股仔，若未有消息跟尾，須提防「停車熄匙」。
古晨