絲絲講場:曹棨森嫁女超人畀足面

電能實業(00006)由港燈集團改咗名後果然好腳頭,喜事一件接一件,股價節節上升,香港以外業務嘅盈利更創歷史新高。近日更加紅鸞星動,集團董事總經理曹棨森大千金曹蘊怡(Winnie)出閣,下嫁本港慈善家呂明才後人呂慶森(Benjamin)。

新娘子愛心爆棚

呂慶森乃呂興合食米世家掌舵人,亦為鷹君集團創辦人羅鷹石嘅外孫。新娘子曹蘊怡更係才貌雙全。早年赴笈英國修讀醫科,因喜愛小朋友,其後專攻兒科,現為瑪麗醫院兒科醫生,年紀輕輕已擔任香港大學李嘉誠醫學院嘅助理教授,悉心治理病人之餘更作育英才,扶掖後輩,非常難得。這次呂曹聯婚,可謂珠聯璧合,佳偶天成,可喜可賀。

李澤鉅霍建寧到賀

婚禮喺中環聖約翰座堂舉行,晚宴則喺重新開張嘅Ritz Carlton筵開數十席。新郎新娘家境顯赫,不少城中政、商、醫學界名人紛紛到賀,冠蓋雲集。曹棨森係電能老臣子,効力超過三十年,亦喺和記地產服務過,所以長和系一眾高層包括主席李嘉誠、副主席李澤鉅、電能主席霍建寧等亦在百忙中抽空到賀。

余絲韻

地產網大革新,即睇最新樓價走勢、最全面地產新聞及筍盤情報!

Money18免費即秒股票報價網站現推出8升級功能,財經資訊,實時實發!