美國著名對沖基金經理索羅斯縱橫金融界多年，旗艦基金表現唔使多介紹，可能係近日聞戰鼓而思良將，佢宣布搵番昔日舊將貝桑（Scott Bessent）回巢，幫佢打理剛剛轉為家族管理嘅旗艦基金Soros Fund Management，做新投資總監（CIO）。
索羅斯嘅戰績彪炳，所以同佢打理總值達250億美元嘅投資組合，唔係易事，索羅斯對旗下基金戰將要求非常高，故此旗下嘅CIO好多都做唔長，貝桑回巢係代替喺七月離職辭職嘅Keith Anderson。另外佢個大仔Jonathan Soros將會辭任Soros Fund Management日常管理工作，發展個人興趣，包括索羅斯慈善信託工作。
索羅斯搵得貝桑回巢，就證明佢唔係小嘢，佢喺九一至○○年擔任索羅斯係倫敦投資揸fit人，而且喺全球投資策略上有發言權，索老成名一役，就係量子基金單挑英倫銀行，搞到英鎊淪陷咁大件事，到依家都被認定係索老嘅代表作，其實貝桑喺呢單賭博中，功勞唔小，佢離開索羅斯後，曾經自立門戶，亦喺耶魯大學教金融歷史。
余絲韻