睇番和電截至六月底止中期業績，純利增長37%，賺4.94億元，當然就係受惠於智能手機銷售及數據用量的強勁增長，期內流動通訊客戶人數增至335萬，數據服務收入升30%，帶動ARPU由去年上半年的214元升至238元。
當然，當大部分人都已轉用3G，難免令人懷疑未來業績增長嘅空間，不過，數碼通同和電都已表示年內會推出4G服務，屆時數據收入自然可以進一步提升，再加上iPhone5或將推出，高增長嘅步伐相信未有耐完結。
以現價計，和電嘅市盈率19倍，跟數碼通嘅23倍仲有一段距離，股價創新高應該冇咩難度，支持位喺2.8元，阻力位3.5元。
詩詩