絲絲講場:三大行巨頭倫敦賣告白

香港發展人民幣業務呢壇嘢,係一個持久戰。早幾日貿發局去倫敦做show,三大發鈔行巨頭都有去,咁好機會,唔推銷吓自己就對唔住班股東啦!

中銀香港(02388)係本港人民幣獨家清算行,中銀副董事長兼總裁和廣北逐點硬銷,好似本港具備即時交收系統呢啲優良硬件、人民款幣存款基礎龐大等等,希望歐洲金融機構在該行開設清算帳戶啦。

滙豐新上任嘅香港區總裁馮婉眉不甘示弱,欲拓展人民幣業務嘅海外客戶,喺佢哋嘅寶號開設人民幣帳戶亦可,更會提供一站式服務,佢哋年底前亦會喺歐洲推出人民幣基金。

藍博文買重人幣博升值

三大發鈔行「壓軸」發言嘅渣打香港總裁洪丕正,發言時間最短,但點出中東和非洲對人民幣產品均感興趣,配合集團一貫策略,跨國企業睇準點心債發債成本低,有意來港發人債。

港交所(00388)市場發展科高級總監暨上市推廣部主管藍博文亦唱和,笑指自己將大部分人工轉為人民幣存款,看中人民幣升值潛力喎。

余絲韻

地產網大革新,即睇最新樓價走勢、最全面地產新聞及筍盤情報!

Money18免費即秒股票報價網站現推出8升級功能,財經資訊,實時實發!