仲以為美股前晚又再報升收市，港股會有喘息機會，誰知恒指上過19,200點水平就冇力，全日低見18,627點，尾段A股高收以及歐股開市初段回穩，帶動恒指重上萬九點樓上收市。
短期內地宏觀調控政策未有放鬆迹象，對農業的支持未減，但股價照樣跟跌，就如從事產銷農業機械嘅一拖（00038），尋日收報5.39元，跌3.92%。
最近農機發展嘅「十二五」規劃出台，明確定出到一五年，農機化率提升到60%以上嘅目標，更重要嘅係，首次納入農機「以舊換新」。參考家電及汽車「以舊換新」嘅成功經驗，一旦實施政策，對刺激農機消費嘅效益值得期待。喺條款出台前，可候低分注收集一拖。見近月其股價穿底，但14日RSI出現背馳，落到5元邊可認真考慮。
古晨