絲絲講場：新地義工做逾7.8萬小時
新地（00016） 向來鼓勵員工帶埋家人，透過義工隊「新地義工Team力量」將愛心傳送畀社會各階層。
團隊突破千八人
原來喺過去一年，義工隊嘅人數不但突破1,800人，服務總時數更超越78,000小時新高，成績咁好，新地副主席郭炳聯話要親自嘉許義工隊。
郭炳聯話，呢八年嚟，新地義工隊不斷壯大，最開心係見到好多小義工加入，一同領略施比受更有福嘅道理。郭生所講嘅小義工，應該係指舊年成立嘅「陽光小組」，鼓勵員工下一代及受助於兒童發展基金天水圍「新天工程」師友計劃嘅小朋友，一齊投入義工行列，發揮助人自助精神，凝聚一股小義工嘅「正能量」。
老友話，今次獲得社會福利署頒發嘅最高時數義工服務金、銀、銅獎嘅新地義工共有301位，另有34個義工家庭同時獲得嘉許。義工隊嘅服務範疇廣泛，佢哋善用其建築及業務專長，義務為基層公屋戶及相關家庭遷新居及提供基本裝修，同時透過定期探訪一些獨居或年老長者。
余絲韻