冇咩點玩 鄧小姐：「個市咁樣，真係好怕，依家都冇咩點玩啦！之前三月以股價8元買入微創醫療（00853），依家跌到3.56元，好彩我5.7元走晒，如果唔係仲蝕得多。」
喘定先算 樊小姐：「中秋跌超過800點，真係有些傷心！上星期五見美國個市跌，其實都有心理準備港股尋日會跌600點左右，但800點就嚇親，所以我尋日都無玩，喘定先再作打算！」
估繼續跌 譚太：「上個月勁跌，我都已經棄權，到依家都唔敢再入貨，好彩嗰陣無入貨咋！我估會繼續跌，如果跌穿早前低位18,868點就麻煩啦！我嘅貨都未走晒，仲有一半在手呀！」
