話說當李小加講完高頻交易對香港嘅影響時，設有問答環節。王國安想問問題，佢主要係想問吓李小加，對高頻交易如果畀有心人利用作為造市工具，例如配合收市競價制度及期指夜市等嘅意見，點知佢被研討會主持人擋住，未有機會問到佢想問嘅問題，搞到王國安一肚氣。
怕高頻交易畀人利用
王國安話自己不是搞事，純係理性討論，因為高頻交易影響性好大，佢同意為咗配合發展需要，高頻交易有佢嘅存在需要，但凡事都要睇兩面。若使用不當，就會衍生問題。「就好似發明炸藥咁，究竟係好定唔好？」佢話，答案好明顯有兩面，為咗時代進步炸藥有必要性，但須用得其所。
余絲韻