內銀股有反彈，市傳外資在場積極入貨，但古晨半信半疑，除非內地宏調從緊取向有改變，否則月內銀根將進一步緊張，內銀及內房股沽壓未消。
國藥控股（01099）尋日反彈5.8%，收報19.66元，成交1.53億元，現價往績市盈率仲有31倍，息率唔到1厘，最近兩個財政年度純利年增長最靚嗰年都係四成幾，今年上半年純利按年增兩成多，現價估值仍未算得上便宜。
再睇走勢，上月低見16.7元後反彈，但短線20元關阻力唔細，下一個阻力喺20.8元，10日線支持喺19元，見尋日該股沽空比率達31.5%，若然反彈受阻於20元關，須提防再試上月低位承接。
古晨