上個星期，絲絲喺畢馬威會計師事務所嘅老友，話佢哋全球會請7.5萬名應屆畢業生，中、港兩地招聘1,700至2,000個，香港佔當中嘅400個。
冇會計底嘅都啱做
間間都話請人，咁咪爭崩頭？真係要度吓橋至吸引到班生力軍，羅兵咸永道話，佢哋會喺校園搞招聘活動，地點包括上海、北京、廣州。佢哋嘅人力資本主管合夥人顧宜同絲絲講，目標係要搵一啲對行業充滿熱誠、願意努力學習嘅畢業生，即使冇會計底子嘅學生亦可應徵。
為咗培訓公司未來嘅領導人才，羅兵咸推出咗多個綜合培訓與發展計劃，加入嘅第一年即有機會接受平均120小時嘅培訓。