水泥股繼續捱沽，真係走遲半步都唔得！反觀電訊股繼續有資金流入，中移（00941）以及中電信（00728）均升逾2%。
早幾日上海市建交委表示，暫不取消高速公路收費。中央促成五部委立項清理收費公路濫收，減低物流運輸成本，但有直轄市以種種理由迴避，其他地方政府會否有樣學樣，並演變成一場鬧劇，真係要擔定櫈仔等睇戲。
過去被視為首選公路股嘅浙江滬杭甬（00576），受到收費公路政策不明，股價由去年末季高位反覆回落近五成，目前股價尚未脫險，短線反彈未能重上5元，頗大機會要再試4.6至4.7元，失守嘅話下一承接區落到4至4.2元，現價唔值博。
古晨