基金「合力」捧電訊股
今年環球股市極速波動，不少對沖基金及長線基金都「轉唔切身」齊齊損手，為免雙方再互相殘殺，基金愛股被愈沽愈低，近月多家外資投行變身做中間「協調人」，一方面向長線基金及對沖基金力薦吸納優質股，其中近日強勢的電訊股便是外資的「金牌推薦」。
國壽思捷變「傷心股」
另方面投行亦主動「搵埋貨」，向對沖基金借貨沽空部分公認前景變壞的「傷心股」，國壽（02628）及思捷（00330）便是近期重點做淡的目標，實行齊齊「有錢搵」，達至「三贏」的目標。
對沖持長短倉1:1
有對沖基金經理指出，部分外資投行與中資基金及中央機構向有密切聯繫，經「收風」後，近日多家外資大行都不約而同唱好中資電訊股，向長線基金力薦有強勁現金流的股份，當中中移（00941）及聯通（00762）更是首選，中移上周更一度突破80元大關；而另邊廂部分對沖基金亦有買聯通、沽思捷，同時為了更能平衡風險，對沖基金的長、短倉比率，已由過往的二比一，轉為一比一。
除了對沖基金及長線基金外，富豪「大孖沙」亦是投行協調的目標。據了解，約一個月前便有富豪於投行推薦下，盡沽手上恒大（03333），換貨往中移，造成強勢股愈強，弱勢股更弱的現象。