新股市場靜咗一輪之後，近期市場已有漣漪，傳出多隻新股正磨拳擦掌，市場一旦好轉，就會加速進行。
絲絲尋日見到有「女巴菲特」之稱的女股神西京投資主席兼投資總監劉央，佢係新股推介會嘅常客，近期相當之揀擇，絲絲問佢會唔會出擊，投資三一重工，同埋中信証券，答案有啲出乎意料之外。
劉央話對三一重工有興趣，應該會認購，但冇透露係咪會成為基礎投資者。至於中信証券，絲絲以為出身於中信集團嘅劉央，一定捧場，點知佢「擰晒頭」，話唔會認購。
絲絲嘅投行老友話，兩隻新股都好有質素，但三一就有啲威水史好易sell，因為三一係內地重型機械龍頭企業之一，日本三月大地震後，東京電力公司要向三一購入30架，56米嘅混凝土泵車，並請求三一加快生產，可見產品嘅級數有幾高。至於中信証券，就梗係sell人民幣概念股份、RQFII同埋港股ETF啦。
余絲韻