再睇番業績消息，御泰中彩（00555）今年上半年純利同比增長26.7%至3.08億元，每股盈利3.97仙，中期息由去年同期每股0.35仙增至0.48仙。
公司預期，內地彩票市場喺彩票配送渠道方面將出現重大轉變，尤以電子配送渠道（特別係手機及互聯網）嘅興起最具特色，公司已喺遼寧省透過手機電子彩票平台推出電子配送渠道，未來會將業務擴展至各主要彩票省份。
彩票股都算經營一門新興產業，能從其中建立盈利基礎兼有息派，本來都幾難得，可惜睇番過去一年嘅股價走勢，見到完美嘅大派發，上周五大成交插落0.39元，故尋日雖有反彈，但論走勢上唔番0.5元樓上都幾濕滯，都係作壁上觀最實際！
古晨