絲絲講場：萬科試賣百六呎蝸居

近年樓價急升，新進打工仔要「上車」絕對唔係易事。萬科就睇中呢個市場，喺西安長安區興建面積只有15平方米嘅迷你單位，將「蝸居」由螢光幕搬嚟現實，首批700個迷你單位最快年底面世。

究竟15平方米有幾大呢？粗略計算下大約只有161平方呎，比起香港一般二至三人嘅公屋單位仲要細。喺萬科搭建嘅示範單位入面，床、洗手間、衣櫃及櫥櫃等嘅基本生活起居設備都一應俱全。