依家啲小朋友真係好幸福，同阿爸阿媽講聲就要乜有乜，咁易得到又點會珍惜，好容易亂使錢，好難養成良好嘅理財習慣。絲絲八到，英國保誠（02378）亞洲區總部會喺九月推出一個名為「寓教於樂」嘅理財教育計劃，教小朋友理財之道。
絲絲聽聞保誠將會製作節目，喺香港、馬來西亞及新加坡等7個地區嘅兒童頻道Cantoon Network以英語播放，對象係7至12歲嘅小朋友，今次仲係首次以卡通及音樂形式，教小朋友四大個人理財概念，包括收入、儲蓄、消費及捐獻。
保誠今次請埋兒童教育學家Alice Wilder博士分享專業知識，仲整咗個網站畀小朋友、家長及教育工作者搵資料，令佢哋對小朋友理財嘅概念及主題有深入認識。絲絲覺得呢個計劃唔錯，尤其喺依家物質咁豐裕嘅社會，真係要教育下一代點樣理財！
余絲韻