絲絲講場:中移漫遊劈價除笨有精

大家都知道,去外地旅行時用手機漫遊嘅收費有幾貴,就連中移(00941)董事長王建宙都曾經公開呼籲,話世界各國嘅移動網絡應該聯手將收費「合理化」。據內地媒體報道,中移喺下周一(八月一日)開始將調低英國、澳洲、德國、法國、加拿大等38個地區嘅國際漫遊收費,計起上嚟平均減幅達38.6%,對於到外地旅行及工作嘅內地用家,可以話係一大喜訊。

今年五月,中移將旗下高端用品牌「全球通」嘅內地城市漫遊費調降,今次國際漫遊服務再劈價,會唔會引來兩大對手跟進仍然有待觀察。

絲絲就認為,國際漫遊收費調低對中移嚟講係「除笨有精」,事關收費調低肯定可刺激用量,而且如果貴到唔合理亦冇人用。

余絲韻

跨媒體地產網新居入伙 幾萬個精選樓盤 歡迎睇樓!

Money18免費即秒股票報價網站現推出8升級功能,財經資訊,實時實發!