絲絲只係知「奧斯卡」與電影好有關係，但原來做茶嘅都有「茶業奧斯卡」，早排喺美國拉斯維加斯就展開咗一個為期3日嘅「茶業奧斯卡」，龍潤茶集團（02898）亦有參與。
所謂「茶業奧斯卡」即係世界茶業博覽會，據龍潤茶話，今次嘅盛會聚集咗中國、印度、斯里蘭卡、尼泊爾、美國、英國、日本、德國、埃及及韓國等頂尖嘅茶葉生產及銷售企業，係一次匯聚全球茶葉領袖企業嘅盛會，展示咗世界茶葉嘅最新動態及資訊，龍潤茶喺展覽期間仲簽咗一啲合作協議添。
佢哋其中一項科研成果係龍潤科學茶，集生態、健康、便捷為一體，好多與會嘅人對呢啲品種好有興趣，喺展會首日就被搶購一空，據聞有人已邀請龍潤茶，參加遲啲喺美國、英國及德國舉行嘅茶業採購說明會。
余絲韻