許家印：齊搞起國足
許家印講過投資一億元搞足球只得到77萬元回報，到底值唔值真係見仁見智，恒大依家將投資體育當係一盤生意咁做，值得大家睇耐啲。至於富力收購鳳凰隊，許家印話係佢遊說富力老細李思廉買番隊波，「等我哋一齊將中國足球搞起佢喇」！
最有趣嘅係富力足球隊嘅主場，會由深圳改為恒大以前放棄咗嘅越秀山體育場，相信好快大家就會見到廣州恒大與富力嘅同市打吡戰。
講到推動足球事業，有邊個比得上內地最大嘅商業地產商萬達集團？喺最光輝嘅時候，萬達足球隊所向披靡，冠軍多不勝數。聽講萬達董事長王健林將會再出山，支持中國足協嘅未來之星計劃，贊助年輕球員出國深造，呢一份就係推動國足嘅雄心嘞。
余絲韻