絲絲講場：劉央獲頒傑出女性獎項
有「中國女巴菲特」之稱嘅西京投資主席劉央（Yang）獲《Asian Investor》頒發傑出女性獎項，以表揚為資產管理界別最具影響力嘅女性之一，的確係實至名歸，絲絲尋日有幸獲Yang邀請出席午宴頒獎禮，與佢一齊分享呢份榮耀。
坦言公司陰盛陽衰
問到得獎感受，尋日一身夏日清爽打扮嘅Yang先係哈哈大笑，然後就親切咁話：「我的人生座右銘就是天道酬勤，做任何事情，只要是認真、努力，這樣上天一定會給你相應嘅酬勞，因為有付出就一定會有收穫。」
現今女性愈嚟愈叻，Yang就係當中嘅表表者，不過佢坦言：「自己沒有做官的父母，大學也不是唸哈佛、耶魯、清華，今天我的成就都是靠自己慢慢努力去爭取回來，所以成功方法只有一個，就是努力工作。」絲絲知道Yang嘅公司大部分員工都係女性，佢亦開玩笑咁話：「我的公司名副其實是陰盛陽衰，女權主義當道，如果有男生來應徵工作的話，我一定會問他是否接受得來，若不可以就不要來了。」
余絲韻