絲絲講場:新地八奪「亞洲最佳」

新鴻基地產(00016)喺亞洲財經雜誌《FinanceAsia》舉辦嘅「2011年亞洲最佳公司選舉」中,第8次獲選為「亞洲最佳地產公司」,並喺香港區多個評選範疇中榮登榜首,其中一個較特別嘅「最佳行政總裁」獎項,係頒畀新地副主席兼董事總經理郭炳江及郭炳聯;至於新地執行董事兼首席財務總監陳國威就獲頒「最佳財務總監」,佢早前代表集團攞晒咁多個獎,真係一雙手都捧唔晒!

新地獲頒嘅其他獎項其實都見慣見熟,包括有「最佳管理公司」、「最佳企業管治」及「最佳投資界關係」等。呢個選舉邀請超過300名亞太區嘅投資者及分析員參與評選,根據企業嘅整體管理、企業管治、與投資界關係及派息政策等方面為多間機構評分。

余絲韻

跨媒體地產網新居入伙 幾萬個精選樓盤 歡迎睇樓!

Money18免費即秒股票報價網站現推出8升級功能,財經資訊,實時實發!