內地樓市好淡對戰
任志強因為言論夠激，所以有唔少「粉絲」，佢係地產大好友，梗係唔忿氣謝國忠次次都唱衰內地樓市喇。「任大炮」日前喺復旦大學做講座時就炮轟謝國忠：「呢個『烏鴉嘴』次次都係咁講（樓價要跌），最後都冇跌到。」
「任大炮」直指謝國忠唔係以供求關係分析樓價，淨係圍繞住房地產泡沫，「喺經濟處於上升嘅情況下，我從未見過有邊個國家嘅樓市係下跌嘅！」
對於樓價走勢，謝國忠始終堅持泡沫過多，樓價必然下滑。去年內地開始調控房地產，謝國忠首先掟出「年內樓價會跌50%」嘅言論，結果去年樓價「溫和」上升，搞到佢入選咗年內最「囧」財經預測，唔怪得「任大炮」笑佢係烏鴉嘴。
余絲韻