絲絲講場：王朝酒堡列國家級景點

究竟呢個酒堡有幾巴閉？白總話王朝酒堡投資額近2億人仔，集葡萄酒文化展示、博物館、餐飲及酒店於一身，酒堡係參照法國羅浮宮嘅設計理念，參觀者既可了解紅酒文化，亦可以親身品嘗，仲可以做番個紅酒SPA添，絲絲聽講紅酒SPA價錢都唔平，要成3,000蚊人仔o架。既然被列為國家級景點，評選過程必定要過五關斬六將，白總一定落咗唔少心機。

其實王朝喺宣傳佢哋嘅品牌及紅酒文化方面真係幾有心思，佢哋去年就贊助海航，將海航某班航機名為王朝號，航機內所有紅酒都係王朝出品。白總仲話諗緊贊助其他唔同航空公司嘅飛機，但係個名一定要用王朝行頭，如果以航空公司名行先，例如叫海航王朝、南方王朝就冇乜意思啦。

余絲韻