藺Sir任董事總經理
不過為免事件愈描愈黑，Andrew話唔想回應太多，總之新公司已經改咗名，叫做靈獅控股，依家正向證監會申請相關投資牌照，相信不久之後就可以正式開檔做生意。
雖然Andrew有份投資靈獅控股，兼且做埋行政總裁一職，但佢就好謙虛咁話自己只係小股東，而「股壇開心果」藺常念就擔任董事總經理。
向來風趣幽默嘅藺Sir仲話：「靈獅呢個名，大家一聽就知厲害啦，似足滙控（00005）嗰兩隻雄獅一樣咁張牙舞爪。」
雖然新公司未開始做生意，不過Andrew與藺Sir依然忙得不可開交，下周四會「行孖咇」去北京參加國情班，希望多啲了解內地嘅國策，對於日後嘅投資就自然無往而不利啦。
余絲韻