絲絲講場：捐書啟發新一代華懋撐綠色香港
華懋集團近年不但活躍於地產業務，亦做咗好多令香港更加「綠色」嘅工作，好似喺早兩日，佢哋就向全港所有中學捐贈500幾本由歷史遺珍攝影基金會及華懋集團聯合出版嘅艾思滔著作《香港山色水韻》中文版，希望令香港嘅新一代更愛惜香港嘅自然環境。
華懋執行董事龔中心當日仲好應景，着咗條綠色裙出席捐贈活動，佢語重心長咁話，作為一家有責任感嘅企業，華懋希望通過創建綠色建築向公眾宣揚環保意識。藉住捐贈呢本書籍，佢希望超過40萬名中學生能受香港自然美景所啟發，身體力行保護環境。
其實華懋之前已經與中電合作，計劃喺如心廣場安裝太陽能電池板，生產3萬瓦特電力，為購物商場共約2,000支節能光管供電。
余絲韻