早兩日市場傳出，有旭光股東正透過歐資行安排，減持10億股旭光股份，以市價計總值40幾億元，搞到旭光股價即刻跌咗一成。管理層之後向投資者解畫，強調旭光股東之間並冇內訌，又話主要股東根本唔可以大規模售股；佢哋仲出埋官方澄清公告，重申股東之間並冇任何未解決嘅爭議，亦冇任何主要股東擬出售10億股股份。
大成交事有湊巧
做晒工夫後，尋日旭光股價就升番2.7%，尋日成交額逾11億元，位列第七大成交金額股份，仲勁過和黃（00013）及港交所（00388），但事有湊巧，同時間又有傳聞話有旭光股東喺場外減持股份。
余絲韻