喺中海油（00883）做咗30年嘅掌舵人傅成玉，近期去中石化（00386）母公司上任，隨即碰到多個「天價」嘅燙手山芋，搞到一向擅與傳媒打交道嘅傅總忙個不亦樂乎。雖然中海油與中石化同列內地油企三甲，但中石化多年嘅營收高出中海油1,500億美元，管理平台亦大得多，傅總應該有一展所長嘅機會。
「天價酒店」、「天價酒」及「天價吊燈」呢一連串事件，令傅總喺中石化集團內部嘅工作會議上有感而發，佢話「事件對中石化乃至國企嘅形象造成嚴重傷害，一個人嘅行為導致上百萬人嘅恥辱。」傅總講得一啲都唔誇張，內地貧富懸殊，國企卻豪奢亂使錢。幾支天價紅酒飲咗13.11萬元，好多人一年嘅收入都冇咁多，五星級天價酒店有「800畝森林公園」，集團新大樓嘅大堂一盞吊燈買咗1,200萬元，搞到天怒人怨，睇嚟傅總上任後要改變歪風，為中石化管理帶嚟一股新鮮空氣先得。
余絲韻