金融徐筆:ETF市場再起風雲

有「債王」之稱的全球最大債券基金PIMCO創辦人格羅斯,上周向美國證監會申請推出主動型交易所買賣ETF,並由債王親自管理。呢次肯定會將ETF生態市場完全改變,因債王每日都要公布ETF裏面持倉數量和資產價格,即變相公開基金的投資核心策略,故ETF的透明度令好多基金經理都卻步。依家有星級同具有知名度的基金經理願推出主動型ETF,肯定會主動咁改變ETF市場生態。

同互惠基金搶客

試諗吓,投資者只需付出相對較低的入場費,就可以投資呢隻ETF, 重有債王為你親自操盤,幾正啊。今次呢一着,明顯同管理費用昂貴的互惠基金當中搶客。全因為ETF根本不存在中介人角色,費用自然可以有下降餘地。

大家要知道,交易所買賣基金的投資目標是要整體地反映相關指數成分股的表現,佢所追蹤的指數已列明喺公開說明書上,所以投資組合透明度較高,加上投資者亦可以透過各種報價系統,取得交易所買賣基金的實時交易資料,配合靈活的投資策略。

另外,交易所買賣基金設有市場莊家機制,除咗可以透過調整供求以控制價格,減少套戥機會的出現外,亦可以加強交易所買賣基金的流通性。投資者亦可以於交易所的交易時段,透過經紀進行即時交易。這無疑方便了短線投資者進行交易,即時捕捉特定市場的增長。

香港大學電子金融服務榮譽助理教授 徐燦傑

跨媒體地產網新居入伙 幾萬個精選樓盤 歡迎睇樓!

Money18免費即秒股票報價網站現推出8升級功能,財經資訊,實時實發!