絲絲講場：林家亨打波勝在有老婆
恒豐證券研究部董事林家亨（Simon）喺證券界出名係「球癡」，意思係指佢對羽毛球運動一片癡心，早前佢就參加一個羽毛球公開比賽，經過7場激戰，由上晝打到下晝，最後勇奪季軍。本來Simon都有叫絲絲去捧場架，不過佢有靚老婆Maggie到場打氣兼影靚相就乜都夠啦！
其實Simon為咗迎戰，早喺兩個月前已秘密練兵，跑步練氣之餘，又進行密集式練波，仲要節食添。
羽球賽奪季軍
比賽當日，Maggie一早起身做「跟得夫人」，陪足Simon全日打波，在場打氣之餘仲充當攝影師，拍攝老公嘅場上英姿，難怪Simon話：「雖然打得好攰，而且只拎到季軍，不過有老婆到場支持，仲開心過攞獎，希望下次可以贏得金牌喇。」
余絲韻