澄清管治冇問題
話說3位候選人當中，英國石油（BP）前行政總裁布朗（Lord Browne）曾經係頂頭大熱，據佢身邊朋友講，布朗喺上周四起獲選做主席，呢個消息洩漏咗出去，幾個小時後，嘉能可就話由馬世民當選主席，仲拒絕承認布朗曾經係主席候選人之一。
原來有小道消息話，布朗對朋友講，話嘉能可嘅公司管治有瑕疵，所以唔接受主席一職。尋日馬世民上任嘉能可主席後，第一個任務就係幫公司澄清公司管治冇問題，佢仲「暗寸」布朗，話冇聽過公司管治出現問題嘅任何消息，即係公司運作良好。佢上任後就為公司傳聞解畫，睇嚟嘉能可絕對係搵啱人選。
余絲韻