在新盤開售消息帶動下，加上日本核危機消息淡化，準買家再積極出動睇樓，有代理指，今、明兩日50個指標屋苑預約睇樓量，按周升5.1%，連升兩周。
利嘉閣表示，多個新盤部署推出，帶動樓市氣氛向好，加上日本地震消息逐漸淡化，以及股市做好，準買家睇樓意欲回升，全港50個指標屋苑於今、明兩日錄約2,805組預約睇樓，按周升約5.1%。
港島盤供應向來緊絀，在市況回暖下，即吸引準買家爭相睇樓，帶動預約睇樓量升約12.4%最多。利嘉閣黃銳平稱，負面消息進一步消散，買家入市態度轉趨樂觀，柴灣杏花邨本周末睇樓量升約10%。
新界多個新盤排隊登場，二手客源難免被搶，區內21個指標屋苑二手預約睇樓量僅升約1.7%。利嘉閣文家輝稱，新界西北多個新盤部署推出，二手客源被攤薄，天水圍嘉湖山莊睇樓量及成交量短期內有壓力，周末預約睇樓量跌13%。該行另稱，九龍20個指標屋苑周末預約睇樓則錄5.7%升幅。
至於客源方面，該行指出，本周睇樓客仍以用家為主，上車客及換樓客比例，合共佔約65.5%，另長線投資客睇樓比例按周增約0.2個百分點至約12.9%。