睇建設項目係強項
32歲嘅Gigi，喺今年二月先加入卓能做高級項目經理，主力負責監管集團所有建設項目，只係短短兩個月就已獲委任為執董，睇來佢真係好叻女喎。睇番Gigi嘅履歷，與老竇嘅興趣都幾似，九九年喺英格蘭曼徹斯特大學曼徹斯特建築學院畢業，仲持有建築學榮譽學士學位，之後佢同英國知名建築師及城市設計師Terry Farrell爵士做咗兩年工作，所以佢負責睇番項目建設就最合適不過！
Gigi其實唔單只建築方面掂，佢仲曾經管理外國奢侈品品牌喺香港及中國嘅市場推廣及零售服務投資長達10年，搞到有聲有色，可謂「周身刀張張利」！Gigi任職高級項目經理嘅薪金係每月5萬元，董事袍金就每年2萬元。
余絲韻