薦神:賽晶貨源歸邊可跟進

半新股落鑊,股膽揀咗隻賽晶電力電子(00580)。隨着內地高鐵進入全速發展階段,行業未來的增長勢頭甚佳,而賽晶主要客戶為中國北車,前景值得睇高一線。股份去年十月以1.93元掛牌,最高升抵2.95元後便反覆回落,近日在1.59元附近成功築底後,昨日終於起動,大升近15%,高收1.86元,現價已重上各主要平均線,技術上已突破去年十二月延伸的下降軌,加上回落多時,相信貨源已歸邊,炒上目標先睇2.05元,穿1.7元止蝕。

跟手睇中內地最大心腦血管製藥商四環醫藥(00460)。集團去年上市後,獲索羅斯入股而一度飆升至6.19元高位,但受內地藥品降價的不利因素影響,股價反覆回軟,最低跌至4.52元,與4.6元招股價相若,相信已消化不利因素,而且昨日更見突破,技術走勢明顯改善,短線可吼位於5元附近上車,目標5.6元,止蝕4.7元。

手機可睇即秒股價

最後可留意合生元(01112),昨日強勢突破11.5元水平阻力,創上市新高,強勢可跟,目標13.5元,止蝕11元。

股民以往想睇免費即秒股價,只能夠上money18網站,但依家方便好多,用緊iPhone或者Android手機的,下載money18應用程式,可以睇到免費即秒股價,至於其他手機用戶,亦可以到m.on.cc,同樣睇到免費即秒股價,money18一於賣大包,益大家。

是日精選股

賽晶電力電子(00580)

目標價:2.05元

止蝕位:1.70元

戰鬥力:☆☆☆☆☆膽

四環醫藥(00460)

目標價:5.6元

止蝕位:4.7元

戰鬥力:☆☆☆☆☆腳

合生元(01112)

目標價:13.5元

止蝕位:11.0元

戰鬥力:☆☆☆☆腳

帥哥

跨媒體地產網新居入伙 幾萬個精選樓盤 歡迎睇樓!

Money18免費即秒股票報價網站現推出8升級功能,財經資訊,實時實發!