須承諾10年內唔搬
經過十幾年嘅積極部署及發展，金融業依家已成為深圳嘅支柱產業。截至去年底，深圳嘅總部級金融機構已有78家，金融業佔深圳GDP達13.5%，可見幾咁重要。之不過，到底有幾多企業為咗獎金而揀深圳做總部，就不得而知嘞。
市政府亦「你精我唔笨」，如果畀咗大拿拿二千萬人仔高額獎金，然後你又拍拍屁股走人，咁咪好傷？所以近日深圳頒布新嘅辦法，凡申請咗獎勵或補貼嘅金融機構，就要應承喺10年內唔搬走，否則要還錢兼被列入「不誠信」名單。咁耐以嚟，幾次將總部由深圳搬出搬入嘅係中信證券。嘩！修改規矩唔通有針對性嘅？
余絲韻