籲勿搞壞中日關係
傅總話唔止係NHK，佢仲想與在場嘅日本傳媒講，希望佢哋促進中日友好關係做多啲嘢，特別喺日本發生地震災難，正忙於災後重建嘅時候，希望佢哋唔好再無中生有，為兩國關係帶嚟傷害。佢又話唔想就呢個問題回應，但講明中日兩方達成嘅協議並無改變，亦冇偏離協議，希望日本傳媒唔好再做咁多不必要嘅事。絲絲雖然眼見傅總係笑笑口講呢番話，不過就聽得出好似有啲嬲嬲哋喎！
不過傅總亦向NHK記者話，對日本嘅情況表示慰問，仲話中海油有好多拍檔喺日本，所以如果有乜需要，都願意對日本作出幫助，依家最重要係重建家園。
余絲韻