銀行一直𥄫住班高端客戶，因為商機較多，滙豐運籌理財就喺上海搞咗個活動，著名投資人汪潮湧、著名藝人趙薇與商界精英展開咗一場跨界對談，目的只有一個，就係要話畀大家聽，財富積累、人生規劃以及理想實現呢幾方面有幾重要。
滙豐銀行（中國）行長兼行政總裁黃碧娟話，中國經濟快速發展，內地富裕人群日趨年輕化，財富管理需求亦更趨多樣化。據佢哋喺內地嘅一項調查顯示，超過七成嘅新興富裕人士希望通過科學嘅理財規劃實現財富增長，相對其他市場，原來內地嘅新興富裕群體對未來更具憧憬，並有非常強嘅積累財富意願。
已榮升媽咪級嘅趙薇好坦白話，平時由於事業繁忙，難以全心學習投資理財，借助專業力量亦算係佢保持財務健康嘅秘訣，穩健嘅理財產品能畀人穩定踏實嘅感覺，咁佢就可以更專注於自己嘅工作。
余絲韻