絲絲講場:滙控撐Golf欖球夠長情

一講起馬拉松,大家就會即刻聯想起渣打銀行,其實佢哋嘅對手滙控(00005)都好支持呢啲體育盛事,但就揀咗贊助高爾夫球及欖球,滙控高層就解畫話,呢兩個體育項目好配合佢哋嘅形象,不過喺金融海嘯後,佢哋就Cut咗兩成贊助費。

滙控贊助高爾夫球比賽都仲可以理解,因為呢啲係有錢人玩意,與佢哋嘅龍頭地位都幾夾;不過講到欖球,絲絲就真係抓爆頭都諗唔明,呢種運動睇落撞嚟撞去,個個運動員又鬼咁大隻、跑得又勁,唔通因為夠晒衝勁,所以贊助呢種運動?

滙豐對呢兩項運動嘅支持都算長情,已經贊助咗好幾年,去年滙控執董霍嘉治亦去咗佢哋搞嘅「滙豐亞洲五國欖球賽」,表演過寫中文字嘅「特技」。

余絲韻

跨媒體地產網新居入伙 幾萬個精選樓盤 歡迎睇樓!

Money18新功能「18好路數」為你預測心水股票升跌機會率