絲絲講場:本報協辦免費投資講座 周日舉行報名要快手

內地通脹升溫加上日本發生大地震,令港股形勢更加複雜,散戶面對咁嘅市況,點樣可以「險中求勝」?由大和資本市場主辦,《東方日報》、《太陽報》及《on.cc東方互動》協辦嘅「第二季有否賺錢機會」投資講座,就為大家分析港股前景,幫助小投資者部署第二季嘅投資策略。

專家分享股輪秘笈

今次嘅講座定喺本周日(本月二十日)假九龍香格里拉酒店宴會廳舉行,完全免費,主講嘉賓全部係投資界炙手可熱嘅人物,包括有大和衍生產品工具部代表陳慧雅,佢會主講「炒輪致勝之道」;另一位係豐盛金融資產管理董事黃國英,佢會同大家講吓「港股投資攻略」,絕對係小股民嘅福音,直情係「塞錢入你袋」。

座位名額有限,報名就要立即行動,第一時間登入網址on.cc/daiwa內登記,或者將姓名、聯絡電話及電郵地址等資料,email到promotion@opg.com.hk。

余絲韻

跨媒體地產網新居入伙 幾萬個精選樓盤 歡迎睇樓!

Money18新功能「18好路數」為你預測心水股票升跌機會率