睇好人仔企債白金
Weber話大家都睇好人民幣升值前景，持有「人仔」可坐享升值潛力，以及收取較高嘅存款息率。絲絲記得去年人仔升值3.5%，而花旗嘅人民幣一年期定存就有0.865%利息。
債券定期派發利息，可以對回報早作預算，Weber話本地或環球金融機構發行嘅企業債券，無論息率及風險皆有可取之處；假如好似絲絲咁本錢有限，但又希望投資涵蓋多種債券，就可以考慮購買債券基金。
資源方面，Weber睇好鉑嘅前景，所謂「鉑」即係俗稱嘅白金，可用喺首飾或電子儀器中，與金、白銀等同屬貴金屬，但Weber話投資時要考慮係持有實物抑或「紙白金」。
余絲韻