中國旺旺（00151）主席蔡衍明向來創意無限，今年佢喺業績報告中大玩「食字」，話二○一一年嘅英文讀音似「20旺旺」，所以公司將今年名為「20旺旺年」，對於今年業務充滿信心。
從蔡衍明創作「旺旺仔」就知道，佢好鍾意有創意嘅嘢，因為「旺旺仔」身體每部分加入蔡氏文化，好似張開手腳係一個「米」字，代表集團嘅食品；娃娃冇着鞋代表腳踏實地；雙眼向上望就代表高瞻遠矚……蔡衍明又擅用「旺旺」兩字，喺去年嘅年報中，公司舉辦員工攝影活動名為「愛生活、愛旺旺」，又以「旺旺人」嘅真摰自然鏡頭記錄公司中嘅人、事、情。
（余絲韻）