過檔投資公司IVI
絲絲知道，藺Sir轉新工後，主要喺投資公司Invest Inc.（IVI）負責行政管理，但仍會接受傳媒訪問，因為佢話自己永遠都係最出名嘅財經演員喎！雖然要離開服務多年嘅富昌證券，但藺Sir相信「天下無不散之筵席」，或者他朝可以喺最燦爛嘅日子重逢呢！
之後，絲絲打電話畀Andrew八吓，佢坦言與藺Sir足足傾咗三個幾月，先至成功撬到佢過檔。「藺Sir好似曼聯嘅領隊費格遜，有點石成金之效，佢嘅豐富經驗可彌補我嘅年輕。」Andrew又笑言自己只係小老闆，新公司仲有其他大股東，有來自內地與新加坡等，而其中一個老闆係飲食界才俊黃浩，即係藝人徐淑敏嘅老公。
余絲韻