俄國兩大富豪歐柏嘉（Oleg Deripaska）及Vladimir Potanin爭奪全球最大鎳企Norilsk Nickel呢個古仔，已發展咗一段日子，歐柏嘉旗下嘅俄鋁（00486）喺前日話，Norilsk提出斥資128億美元（約998.4億港元）回購20%股權，較去年傳出另一股東Potanin擬斥資90億美元收購俄鋁手上全部25%嘅Norilsk股份，提價接近八成。
呢單咁大嘅交易，梗係要投票決定啦，點知傳出話俄鋁出絕招，唔畀Norilsk最大股東Interros就呢單嘢投票，俄鋁唔知係咪覺得食咗隻死貓，拿拿臨出聲明否認唔畀人投票。
受到呢單千億收購建議嘅消息刺激，俄鋁近期股價表現唔錯，前日急升近一成，尋日就跌番4.1%。如果俄鋁搞得掂呢單千億回購，可以大大減低俄鋁現時嘅負債壓力，唔怪得外資行都(目及)實呢單「刁」嘅進展，隨時有機會改評級o架！
余絲韻