私募基金Terra Firma持有嘅唱片公司EMI畀花旗接管咗，本來呢單新聞唔係咁起眼，之不過，絲絲最愛嘅披頭四、Coldplay，版權屬於EMI，如果花旗如預期般所說，將佢分拆出售，呢啲咁值錢嘅版權，隨時成為其他私募基金及唱片公司嘅爭奪對象。
Terra Firma○七年八月透過向花旗借貸26億英鎊，斥資42億英鎊槓桿式收購EMI，但出價過高埋下背上沉重負債嘅炸彈，花旗接管EMI後，大幅幫佢減債至可以繼續經營。
知情人士表示，花旗不會「賤價」賣EMI，預期會喺未來幾個月接洽買家及「討價還價」，包括私募基金KKR、Apollo，其他唱片公司華納唱片、Sony/ATV Music等都係潛在買家，華納仲已經搵咗高盛提出競購安排。
余絲韻