股東唔like佢
龐約翰喺Vodafone「冇得留低」其實已經醞釀多時，部分公司股東一直都唔like佢，舊年七月股東會上更加有股東對佢連任主席嘅議案投反對票，話佢領導之下，Vodafone嘅收購紀錄簡直可以用「災難」來形容。咩意思？買貴貨囉！Vodafone舊年五月宣布，要為收購得來嘅印度業務作出23億英鎊（約290億港元）減值，激到基金股東之一嘅安大略省教師退休基金大興問罪之師，話要重新檢討公司嘅收購紀錄。
柯慈雷下個月就會卸任飛利浦舵手職務，今年愚人節當日開始做公司非執董，到七月份嘅股東會接替龐約翰出任主席。
余絲韻