派錢開工福利好
鄭主席話畀絲絲知，從兩年前開始，佢哋就諗到一條吸引工人留低嘅妙計，就係工人過完年返工之後，會獲發一筆特別獎金，都有幾百蚊咁上下，加上原本工人平均人工都有2,000蚊，仲包食三餐，就連準時返工都會有獎金添！有咁樣嘅福利，工人流失率都比同行低。咁講法，其他廠商老闆真係要學吓，要留住工人都要度條好橋囉。
威高由製衣業務白手興家，到依家做埋化妝品，近年生意愈做愈大，凡事親力親為嘅鄭主席話，自己通常會跟進每一樣新產品及新合作，所以呢個農曆新年都係放5至6日假期，自己初七就「啟市」喇！
（余絲韻）