大新之前喺Facebook已經舉辦咗個「大新Angels大搞作」對白創作比賽，仲好似依家流行嘅Apps咁，將大新Angels及貸款指揮官化做漫畫嘅主角，由參賽者設計啲搞鬼對白。
睇番今次比賽嘅得獎作品，絲絲有理由相信佢哋係睇「星爺」嘅電影長大，句句押晒韻，例如係冠軍嘅「天下武功出少林，借錢梗係搵大新」，以及亞軍嘅「Dear大新，You are my sun！」，真係佩服年輕人嘅創意。
大新一向揼本力谷「快應錢」及稅貸產品，唔單只搵「視帝」鄭嘉穎做代言人，去年仲加埋幾位模特兒，而且送出嘅獎品一浪接一浪，唔知今年又會有乜搞作呢？
（余絲韻）